Ekoetxea Urdaibai (Madariaga Dorretxea) | Euskadiko Biodibertsitatearen Zentroa BUSTURIAn (BIZKAIA) | Euskadiko museoak | Turismoa Euskadi
Joan edukira

Arte eta Kultura

Museoak

Ekoetxea Urdaibai

Ekoetxea Urdaibai ingurumen-zentroa Euskadiko Biosfera Erreserba bakarraren bihotzean dago. Urdaibaiko Biosferaren Erreserbak 22.000 hektarea biltzen ditu, eta labar, mendi, hondartza, ibai eta lurpeko uren mosaiko batek osatzen du, animalia- eta giza bizitzaz betetako paisaia ikusgarria eskaintzen digutenak. Alde batetik, aniztasun biologikoaren, ondarearen eta kultura-adierazpenen kontserbazioa harmonizatzeko, eta, bestetik, garapen ekonomikoa eta pertsonek ingurunearekin duten harremana bateratzeko, 1984an, UNESCOk Urdaibai MaB programan sartu zuen, Biosferaren Erreserba izendapenaren bidez.

Ekoetxea Urdaibai Busturiako Madariaga Dorrean dago, XV. mendekoa. Erakusketa-guneez gain, 360º-ko begiratoki ikusgarria du, eta bertan padura, Izaro uhartea, Laida edo Mundakako hondartza ikus daitezke. Gainera, Madaixagane jatetxeaz goza daiteke. Sukaldaritza tradizionala eskaintzen du, kalitate handiko eta sasoiko tokiko produktu naturalaren aldeko apustu nabarmena eginez. Zentroak auditorioa eta ekitaldiak eta bilerak egiteko guneak ere baditu (Ezaugarriak eta zehaztapen teknikoak hemen).

Ekoetxea Urdaibai Eusko Jaurlaritzaren Industria, Trantsizio Energetiko eta Jasangarritasun Sailaren ingurumen-zentroen sareko kide da, eta Ihobe Ingurumen Jarduketarako Sozietate Publikoak kudeatzen du. Eskolako Programa Didaktiko indartsua du, eta ingurune natural hurbilenari balioa ematea ahalbidetzen duten esperientziak eta ibilbideak eskaintzen ditu. Gainera, herritarren inplikazioa bilatzen dute, haien portaera eta ohiturak hobetuz, etorkizun iraunkorragoa sortzeko.

Kontsultatu esperientzien agenda: Agenda.

Datu interesgarriak

Helbidea
Barrio San Bartolomé, 35 - 48350 Busturia
Telefonoa
Helbide elektronikoa
Weba
Ordutegia

Apirilaren 1etik urriaren 31ra: 10:00-14: 00/15:30-19:00

 Azaroaren 1etik martxoaren 31ra: 10:00-14: 00/15:30-18:00

Zerbitzuak

  • Liburutegia
  • Parkinga
  • Hitzaldi-aretoak
  • Bideo-aretoak
  • Dendak
  • Bisita gidatuak
  • Prentsa-aretoa
  • Artxiboa

Estekak